Stumme
Daelnemers ware beoeërdeiltj doeër veer vakjury's met de thema's Vastelaovendj, Wieërt, Meziek en Jeugd, di-j elk vanuut eige expertise de nummers beoeërdeile. De ‘vieëfdje’ jury és 't publiek inne zaal. Bezeukers brînge heur stum uut middels stumvouchers di-j ze beej binnekomst hebbe ontvânge. Dieëze stumvouchers waere allein uutgedaeldj aan bezeukers di-j vör 't ieërste optraeje um 14:00 oor binne zeen.
Hejjae 'n stumvoucher?
Bezeukers met 'n stumvoucher kinne via ongerstaondje button stumme naodet 't léste optraeje és aafgeloupe. Nog gemekkeliker: scantj de QR-code op eur voucher, dan kojje in eine kieër uut woeë dejje kintj stumme!
Visie
't WVLF weurtj georganizeerdj doeër Stichting Wieërter Vastelaovendj Lidjes Festival, det zich inzetj zich vör 't in stând haoje vanne tradisie van ‘t Wieërter Vastelaovend Lidje. Artieste mótte lieëgdrêmpelig kunne daelneme en ‘n lidje in kunne deêne dét beejdraagtj aan ’t behaod van ’t Wieërtlands dialect. De opzet mót beejdrage aan ‘ne gezónde aanwas van now artieste, mede doeër creativiteit te stimulieëre en jeugd te enthousiasmieëre um lidjes te schriêve en/of zînge.
