Daelnamereglemênt 2026

Algemein

1. Met inzending gieët eêder daelnemer akkoeërd met dit daelnamereglemênt

2. ’t Lidje mot nôw en uniek zeen vör ’t betreffendje vastelaovendj-seizoen

3. Op momênt van insteure motte alle betrokkene (tekstschriêver, componist en uutveurendje) minimaal 18 jaor aod zeen

4. D’r és maximaal ein (1) inzênding per uutveurendje tôwgestaon

5. ’t Jury-oeërdeîl és bîndendj. Beej onvörzeene omstandighede woeëin ’t reglemênt neet vörzeet és ’t oeërdeîl vanne organisatie bîndend. Heej és geine correspondentie oeëver muuëgelik

6. Daelname bestieët uut ’t inzênde van tekst en melodie en ’t live prizzetieëre vanne inzênding tieëdes de WVLF finale, in 2026 op zoondig 11 jannewari

Inzending

7. Aanmelding van daelname aan ’t WVLF és volledig beej inzending van zoeëwaal tekst as melodie

8. Inzênde és muuëgelik tot uuterlik 11 november 2025 23:59 oor via ’t daelnameformeleer op www.wvlf.nl

9. ‘nne Inzênding bestieët uut tekst en melodie

9.1. Tekst

9.1.1. De tekst mot in ’t Wieërter dialekt geschrieëve zeen

9.1.2. De tekst mot orzjineel zeen

9.1.3. Aanstoeëtgaevendje en/of kwetsende tekste/ongerwêrpe en commersjeel uutinge zeen neet tôwgestange

9.2. Melodie

9.2.1. De meziek mot orzjineel zeen (geine cover)

9.2.2. In geval ’t nummer al klaor és weurtj det meziekbestand ingesteurdj

9.2.3. In geval ’t nummer nog neet klaor és en det de inzênder dao häölp beej wînsj, weurtj ‘n meziekbestand ingesteurdj woeëbeej ‘t lidje duudelik weurtj vuuërgezônge of gespuuëldj

 

Gebroêk vanne inzênding

10. De componist/auteur behaodj de auteursrêchte oeëver ’t ingezônde lidje

11. De inzênder draagtj met inzênding ‘t recht oeëver aan de organisatie um ’t lidje dao woeë wînselik te publicere ter promotie van ’t lidje en festival, mer behaodj ouch ’t recht dit zelf te doon

Beoeërdeîling en jurering

12.  Beej aanmelding van mieër as 11 lidjes zal ’t WVLF un seleksie-kemissie beneume di-j alle inzendinge beoeërdeîldj en 11 finale-lidjes beneumtj

13.  Tieëdes de finale weurtj de inzênding live gezoonge doeër de inzênder. ’t És tôwgestange um det begeleid te laote gaon doeër vuuëraaf opgenome stumme

14. Vuuëraafgoond en tieëdes uutveuring inne finale waere inzêndinge beoeërdeîldj doeër vieëf (5) jury’s, di-j elk ’n stum van 20% in ’t eindoeërdael hebbe. Dieës jury’s zeen in 2026:

 - Vastelaovendj-jury, beoeërdeîltj ’t algemeîne vastelaovendjkarakter vanne inzênding

 - Meziekjury, beoeërdeîltj de melodie en meziektechnische aspécte

 - Jeugdjury, beoeërdeîltj in algemeîne zin vanuut heur perspectief

 - Publieksjury, beoeërdeîltj in algemeîne zin vanuut heur perspectief

 - Wieërter jury, bestaondje uut Wieërter prominênte, beoeërdeîltj in algemeîne zin vanuut heur perspectief

 

Daelnamevergeujing en priêze

15. Um startendje artieste te motivere, krieëge zeuj de ieërste dri-j jaor van heur daelname, mits geselekteerdj conform pûnt 12, de muuëgelikheid gebroeêk te make van de volgendje beejdrage::

15.1.1. Beej ’n inzênding conform pûnt 9.2.2 moog de daelnemer ’n vergeujing vraoge van €200,00

15.1.2. Beej ’n inzênding conform pûnt 9.2.3 moog de daelnemer produksie-ongerstuuëning vraoge in de vorm van ‘nne kosteloze basisbând zonger zânk

16.  De winnaar van ’t WVLF weurtj beloeëndj met de volgendje priêze:

 - Inzênding weurtj beneumtj tot ’t Wieërter Vastelaovendjlidje van 't jaor

 - Inzênder ontvângtj de Fried van Dooren Wisseltrofee

 - Inzênder weurtj exclusief genuuëtj én verwachtj vör ’t prizzetieëre van ’t winnendje lidje tieëdes de volgendje vastelaovendj-aktiviteite:

o  Bônte aovendje van De Rogstaekers, in 2026 op doonderdig 15, vriêdig 16, zaoterdig 17 en zoondig 18 jannewari, en Boôrebâl van De Rogstaekers, in 2026 op maondjig 2 fibberwari

o  Vastelaovendj Revue van VV de Brökwagters, in 2026 op vriêdig 23 en zaoterdig 24 jannewari

o  Bônte Aovendj van VV de Vêrkusköp, in 2026 op vriêdig 23 jannewari um 20.10 oor, en Wichter Bônte Middig van VV de Vêrkusköp, in 2026 op zoondig 25 jannewari um 16.30 oor