Beejdrage startendje artiest
’t WVLF hieëf as doel ’t make van nowwe vastelaovendj-meziek te stimulere. As ongerdeil daovan hebbe startendje artieste de muuëgelikheid um ôngerstuuëning te krieëge beej de ieërste drei-j kieër det zeuj daelneme. Heejbeej bestieët de keuze uut (1) ’ne vergeujing van 200 euro as beejdrage vör de produksiekóste of (2) produksie-ongersteuning met als resultaat 'n basismeziekband woeëmej dejje kintj optrejje.
Stichting WVLF bestieët beej de gratie van de initiërende vereiniginge, stiêpels, de gemeindje en ’t publiek. In di-j hoedanigheid vraogtj de organisatie artieste allein gebroêk te make vanne ongerstuuëning wannieër ’t tot stând kaome van eur produksie ânges neet muuëgelik is. Ânger artieste vraoge vae vrîntelik aafstand te doon vanne beejdrage, in ’t belâng van ’t evenemênt.
