html site templates
Mobirise

Djuu toch... D'és e lidje waerd

Vae zeen op zeuk nao thema's vör vastelaovendjlidjes vör kaomendj sezoen. Maakdje mét dieës daag wat mej wao dejje van deenktj: 'Djuu toch... D'és e lidje waerd' Laotj ut os dan wieëte via oongerstaondj formeleer.

Misschien koppele vae eur idee/ervaring waal aan 'ne ervare tekstschriêver en artiest en és eur idee straks de basis van 't Wieërter Vastelaovendjlidje 2023-2024!

De lidjes van 2022-2023:

DOWNLOAD PROGRAMMABUKSKE MET LIDJESTEKSTE 2022

Alle winnaars tot now tow:

Ein.. Twieë.. Drejje!

V'r 't twieëdje jaor op ri-j mocht Stefan Wolter de Fried van Dooren Wisseltroffee mét nao hoês neme. Dieëze kieër won hae met 't aanstaekelikke lidje 'Ein.. Twieë.. Drejje!'

Mieër Vastelaovendj

Stefan Wolter woeëj 'Mieër Vastelaovendj' en hae kreeg mieër vastelaovendj! In 2021-2022 haaj hae eine veuroetzeendje blik. Vae koste met vastelaovendj 2022 weer aojerwéts los gaon nao ein periode van twieë jaor Covid.

Waat és dit sjiek!

Sjiek waas det inderdaad... di-j twieëdje edisie van 't WVLF. Trio De lèste drej ging in 2019-2020 met de winst nao hoês met 't lidje 'Waat és dit sjiek!'

Vleegmesjien

In 2018-2019 waas 't Nick van Ham dae as ieërste winnaar de 'Fried van Doeëre-trofee' mét nao hoês mocht neme met ziên lidje 'Vleegmesjien'.

Volgendj jaor ouch me-j doon?

Dootj me-j en schriêftj uch vuuër 1 september 2023 in vör 't Wieërter Vastelaovendj Lidjes Festival. Dan wieëte vae dejje me-j dootj.
Vuuër 24 september 2023 mojje eur lidje dan inlieëvere.

Waere d'r mieër as 11 nummers ingezonde dan maaktj 'n deskundige zjurie in 'n vuuërseleksie ein kuuës. 

Hejje hûllep noeëdig beej 't schriêve, of wildje waal schriêve mer zeejjae uch zêlluf neet op 't podium staon? Neemtj dan kontakt mét os op en vae brînge uch in kontakt met de zjuuste mînse.

Neteurlik és d'r auch 'n reglemênt. Det kujje heej downloaden:

DOWNLOAD REGLEMÊNT WVLF WI-J KÂN ICH 'N NUMMER INLEVERE? INSCHRIÊFFORMELEER

Waat és d'r te winne?

  • (Maximaal) 11 lidjes gaon de kompetisie aan met ultieme prestâtie as winnaar te waere uutgeroope van 't Wieërter Vastelaovendjlidjesfestival. 
  • Met dae titel op tés és eur köstje gekochtj, eur paad geplevuusj want:
  • Eur lidje weurdj in de professionele Studio Difference opgenoeëme en vervolges op Spotify en ânger sites woeëdejje meziek van kuntj downloade of streame gezatte.
  • Gae kriegtj 'ne spetterendje klip dae volop op oonger de aandacht weurtj gebrachtj.
  • Eur nummer weurtj inne meziekprogramma's opgenoeëme di-j inne Wieërter kefees waere gebroeëktj.
  • D'r weurtj 'n arranzjemênt geschriêve vör de Zaate Hermeniekes det ze gratis ter beschikking weurtj gesteldj.
  • Eur nummer gâlmtj doeër de meziekinstallasie van de Wieërter binnestad.
  • De Vastelaovendjvereiniginge uut Wieërt beeje uch 'n podium woeëdejje eur nummer met di-j Vastelaovendjdaag ten gehuuëre kuntj brînge. Zoeë staoje oppe bühne beej de Boonte Aovendje vanne Rogstaekers, Kuit op Zuid vanne Vêrkusköp, De dameszitting van de Brökwagters, 't Fieëst oppe Mêrrentj en nog vôl mieër aktiviteite...

WVLF 2022 és muuëlik gemaaktj doeër:

Mobirise